पुणे : स्टुडंट ऑस्कर २०१४ विजेता युवा दिग्दर्शक निषाद चौघुले दिग्दर्शित शॉर्टफिल्म ‘दी बेअर नुकल जंटलमन’ २५ जुलैला ‘ला शॉर्ट फेस्ट’मध्ये (लॉस एंजेलिस महोत्सव) प्रदर्शित झाली आहे.
पुण्यात शिकलेल्या आणि नंतर इंग्लंडमध्ये फिल्म मेकिंगचे प्रशिक्षण घेतलेल्या निषादला २०१४मध्ये त्याच्या ‘बॉर्डर पेट्रोल’ लघुपटाला स्टुडंट्स ऑस्कर आणि अनेक इतर सन्मान मिळाले होते. भारतीय आणि हॉलिवूडच्या चित्रपटसृष्टीत एकत्रित कामाचा त्याचा मानस त्याने या वेळी व्यक्त केला.
‘निषादच्या यशाने आम्ही आनंदित झालो आहोत. त्याला पालक म्हणून शिक्षण आणि प्रोत्साहन आम्ही दिले. पुढची वाटचाल त्याने स्वयंप्रेरणेने केली,’ अशी प्रतिक्रिया निषादचे वडील आणि मराठी निर्माते यशवंत चौघुले यांनी व्यक्त केली.